شعیر : هادی قاراچای

«آدین اؤیکوسو»

 «آد» سیرا قوشوقلاردان

 دیلی دیلیمده دادلی

قانی قانیمدا سیجاق

منی آلوودا دوغورغان اوجاق واریمیش دئمه!

 "Ad" sıra qoşuqlarından

 Dili dilimdə dadlı

 Qanı qanımda sıcaq

 Məni alovda doğurğan ocaq varıymış demə!

آردینی اوخویون                  

قافلانلاشماق

       ممد کيشی­نين آغلاماق سسينه بيرينجی اویانان شيرين-شيرين يوخويا دالميش اکبر ایدی. ممد کيشيسه ياتديغي يئر ده ديزلرينه دؤيه-دؤيه اوخشاما دئييردی : 

       - فرضانه، دوختروم، خوشکئلوم... 

       - نه­دير، يئنه ده سن يوخومو گؤردون؟- دئيه اکبر چيراقلاری يانديردی. ممد کيشی­سه ائشيتمز کيمی گؤز ياشلارينی سوزوردو. يئنيجه اويانميش قنبر تاختيندان ائنيب اونو اووندورماغا چاليشدی: 

      - آ کيشی ، سن دونيا گؤرموش آدامسان، داريخما، تئز قورتارار. سنين کی آخير گونلريندی. تئزليکله عايله­نين يانينا قايداجاقسان. قيزينين تئللرينی اوخشاياجاقسان... 

     - بوراخین. اؤزو آغلاييب توختاياجاق.-احمد ده ديللندی. 

     - بيزيم کی هر گئجه بو تاماشاميز واردير.- اکبر نه­يی سه گؤزله­ين کيمی­يدی- دونن سن ايدين، ايندی­سه بو قوجا. 

     - سن هئچ يوخو-زاد گؤرمورسن می؟-احمد سوردو- عايله­نيز، يولداشلارين، کندينيز يادينا دوشمورمو؟نئجه آيينليقلا ياتيرسان؟ ائحساس آدلی بير شئی سنده هئچ يوخمو؟ 

     - بيرينجی، يوخو گؤروب گؤرمه­مک ائحساسلا نه ايلگيسی؟ ايکينجی ده گؤردويون يوخو حاقيندا دوشونمه­ييب، يوخونو اونوتماغا اؤزونو آليشديرسان زامان بويوندا يوخو گؤرمه­یی ده اونوداجاقسان. بير ده يوخو آدامين ائنئرژيسينی بوشالدير. هئله هئچ نه­يه فيکيرلشمه­دن باشينی يئره قويوب ياتماق ياخشيدير... 

                                                                        آردینی اوخویون...

  کال گاواليلار ديياری   (2009-جو ايلين اولوسلار آراسی نوبئل موکافاتی صاحيبيندن رومان- تورکجه پارچالاری)

یازار : هئرتا موللئر

چئویرن: رؤوشن قنبروو

حاضیرلایان : قادیر جعفری

لولا[i] جنوب بؤلگه­سيندن ايدی و اوندان کاسيب ايالت قوخوسو گليردی. 

  آمما ايالت علامتلرينين اونون صيفتينين هانسی حيصصه­سينده داها چوخ سئزيلديیينی دئيه بيلمرم - آلماجيق سوموکلرينده می، آغزينين قيراقلاريندامی، يا گؤزلرينين ايچينده می... 

   « ايالتده قوراقليق هر شئيی محو ائدير - لولا اؤز قئيد دفترينده يازير، - قويونلاردان، يئميشلردن و توت آغاجلاريندان باشقا... »  

  آما لولانی شهره گتيرن قوراق ايقليملی ايالتی دئييلدی... 

  شهرده نسه اولماق، - لولا يازير، - و سونرا - دؤرد ايل سونرا کنده قاييتماق. آمما توزلو جيغيرلا اوزو آشاغی يوخ، توت آغاجلارينين بوداقلاری ايله اوزو يوخاری... 

  لولا دؤرد ايلينی روس ديلينی اؤيرنمه­يه صرف ائلمک ايسته­ييردی. قبول ايمتاحانلاری آسان ايدی، چونکي اونيوئرسيتئتده کيفايت قدر يئر، اؤلکه ده ايسه بس قدر مکتب وار ايدی... 

غاده السمان— سورييه

چئویرن : گونتای گنج آلپ

من بير اينسانام

  منيم ائويمه گلسن، 

  بير قلم گتير. 

  اوزومه قارا خطلر چکمک ايسته ييرم، 

  قارا خطلر چکمک ايسته ييرم کي، گؤزلليگيمي گيزلتميش اولوم. 

  چونکو بيزيم اؤلکه ميزده گؤزلليک سوچ ساييلير. 

  گؤزلليگيم اوزوندن حبسه گيرمک ايستميرم. 

  قلبيمين ده اوزرينه بير چارپي ايشاره سي چکه جه یم کي، 

سئویملی اوخوجولار، بورادا هادی بی قاراچایدان آپاردیغیم سؤیله­شی­نین بیر نئچه سورو آرتیراراق، داها تکمیللشمیشینی اوخویورسونوز. بو سؤیله­شی­نین هامینیزا یارارلی اولاجاغینی اومورام.  

  قرنفیل: سيزجه شعیر درين ايچه­ريک داشیييب ، آماج آختارماليدير مي؟

:  بونو ائليادلا آپارديغيميز دانيشيقدا آچيقلاميشديم. ايچه­ريک و فورم بونلار بير بيريندن آيري دئييل بونلار بير بيريني تاماملارلار .مودئرن شعيرين ايلکين اؤزلليگي ده بودور. آما سن هادي قاراچايين کيشيسل ياراديجيليغيني سوروشورسانسا بونون جاوابي باشقادير.

قرنفیل : شعیرده درين معنا چاتديرماق مومکونمو؟عوموميتله بيز شعیرده نه آختاريريق؟ فيکير ،يوخسا فيکير فضاسي ،يوخسا سادجه لذت؟

:  بونلارين هر تک تکيني و بونلارين هر اوچونو ده بير آنداجا شعيردن طلب ائديريک بديعي ادبيات فورمالاري ايچينده شعير کيمي ان درين معنالارا دالان ايکينجي بير فورم يوخدور. اؤيکو ،قيسا حیکايه­لر بير بالاجا شعيره ياخينلاشا بيلديلر آنجاق شعير هله ده ان يوکسک لذت،ان درين آنلام  و فيکير ايفاده طرزيدير(بديعي ادبياتدا)

آرابالار

یوللاری قیسالدیب، یاخینلاتماق ایچین دیر؟!

یوخسا

گؤز قیرپیمیندا گؤزدن ایتمک ایچین؟!

ویوللار

منزیله یئتمک ایچین دیر؟!

یوخسا باش آلیب کئتمک ایچین؟!

                                                               آردینی اوخویون...

  گونش گولومسه ميرسه ده سئوگيليم 

  بیرجه سن گولومسه 

  يئتر کي اوندا 

  گولومسه ير باغچاميزدا چينارلار 

  چيناردا سيغيرچينلار. 

  دنيز گولومسه ميرسه ده سئوگيليم 

  تکجه سن گولومسه 

                                                                         آردینی اوخویون...

شعیر : نیگار خیاوی

 ایجازه وئرین آغالار!

ایجازه وئرین بعضی شئیلردن

بیر شئی ساخلایاق.

اوتاقلارین یوخوسوز کابوسونو،

                                                                      آردینی اوخویون...

آذربایجانین سارای عصمتلی و تومروس غیرتلی ، دوزوملو خانیمی عطیه متین پورا سونولور

بیر دسته گونش

 کاریخمادیم ، یوخ، کاریخمادیم. نه گؤزلریم یاشاردی، نه ده اوزولدوم. بیرده یالوارماغی یئرسیز گؤردوم. آتام « اونو آپاردیلار» دئدی. سونرا یالنیز دونوخوب قالدیم. اؤزوده اونون گئتدیی یولا ساری یوخ، اونون دالیسیجا اوزولموش گؤزگوده کی قادینا. هئچ ده منه اوخشامیردی. آخی من اوزولمه میشدیم. ساده جه ایللرین ، گونلرین یورغونلوغویدو. سونرا آتام گیل ده ایشینین دالینی توتماغا گئتدیلر « سن ده گل» دئدیلر.

     - گئتمیرم، اؤزو یولو تانییر ، نه یینه گرگ دی اونو یولا سالماق، دئیه چارشابی باشیما چکیب یوللاندیم. آنجاق اونلار تئز گئتمیشدیلر. اؤزوده اونودا آپارمیشدیلار. توخونمادیلار. توخونا بیلمز دیلر. قورخاقلار، ائله بیلیرسیز هر شئی توکندی می؟

                                                                                                          آردی وار...

آفریقا‌لی بیر اوشاق. منه "قارا" دئین‌لره

چئویرمن: خاقانی علی یئو

من دوغولاندا دا قارا اولورام.
بؤیوینده ده.
من گونون آلتیندا گزنده ده قارا اولورام.
خسته‌له ننده ده.
من ائله، اؤلنده ده قارا اولورام.

بس سن نئجه، آغ اوغلان.
دوغولاندا چؤهرایی اولورسان.
بؤیوینده آغ.
گون آلتیندا گزنده قیرمیزی اولورسان.
اوشوینده گؤی.
قورخاندا ساری اولورسان.
خسته‌لننده یاشیل.
اؤلنده بوز اولورسان.
و...
سن منه رنگ‌لی دئییرسن ؟؟؟

qaynaq: lit.az

سون

اؤلو قوشلارین قانادلاریندا

اوچا بیلمه ین چؤل آتلاریندا دینجه لر گؤی اوزو

شهیدین آچیق گؤزلرینده

درویشین اوچوق سؤزلرینده...

یازار: قابرییئل قارسیا مارکز                                      

چئویرن : میر مهدی آغا اوغلو

کؤچورن : توتقون

             کیفیر بیر قادین حاققیندا تضادلی دوشونجه لر

    او دوندورما کافه سینین ایلک  سیرالارینداکی ستوللاریندان بیرینین آرخاسیندا ایلشمیشدی. و من امین ایدیم کی، بو عؤمروم بویو راستلاشدیغیم کیفیر قادینلارین ان کیفیری دیر. شلیاپاسیز ایدی – ایلک آندا اونو بوجور قریبه ، خارق العاده کیفیرلیی  منی نئجه سارسیتدی، کاریخدیرسا، حتتا منه ائله گلدی کی، چتین کی، شلیاپا نه­یی ایسه دییشه بیلر – اوزون، ایری یاشیل گوللو میدان اوخورجاسینا ساده بیچیملی لیباسدا او حقیقتن­ده کیفیر گؤرونوردو. او قدر کیفیر کی ، حتتا تانیشیم حکیم آرماندو سولانو بئله اونو  آشکار ماراقلا گؤزدن کئچیرمکدن چکینمزدی، بلکه لاپ ستولون کیمسه طرفیندن توتولمادیغینی دوشونه­رک اونونلا ایله­شردی ده.

شعیر : احمد شاملو

چئویرن: توتقون

                 گئجه ده

قاپی یوخدور

                                یول یوخدور

گئجه یوخدور

                                آی یوخدور

نه گوندوز

                                 نه گونش

بیز دایانمیشیق زامان دیشیندا

بیر قارا قمه کوره ییمیزده ده

کیمسه دانیشماییر بیریسی ایله

کی سوسقونلوق مینلرجه دیلده دانیشماقدادیر

باخیریق

            اؤلولریمیزه

                          گولومسه یه رک

و گؤزله ییریک اؤز سیرامیزی

                     کولومسه مه دن

گونه باخان

بیلمه دن فیلیمین هانسی آنینین

اویونچولاری اولدوق

یازارینی اؤلدوردویوموز دونیا سیناریوسونون

یؤنلتدیک آخیشینی

                                 ائلئقانس گؤزلریندن گیزلی

                                  سیم سیم لردن آرالی

                                 سؤیود کؤلگه لیینه

سن سه ساختا چیچک لری پای وئریردین سه ده

یئنه ده حیه طیمیزده بئجردییم گونه باخانی

دره بیلمه دیم گؤزلیم

چوخ اینجیدین یئنه سن

آنجاق یارین توستولو شهرین لالا  پارکیندا

ساریلدیم ساچلارینین قیزیللیغینا

                        تانری اوخولونا

گؤزتچی لرین ساققالیندان آسیلیب

زامان کات ووردوسا سؤیود آغاجینا

هله ده گونه باخانین گوللریندن ساچینین قوخوسو گلیر

شعیر: توتقون

بو اسین

دومانلی دنیزین دالغین چاغلاریندان گلیر

دنیزله گؤیون اؤپوشدویو یئردن

وتارلامیزدا کی قیزین یاشیل لئچه یینی

اوغورلاییب

هاراسیزلیقدا سارالمیش اورمانلارا پایلاییر.

بو قیز،

یاناغی قیرمیز

سارریشین ساچلاری سسله شیر بو اسین ایله

بیر نفس اودوب

آغ جییاریندا قیزیندیریب

پوسگورور.

Şeir : tutqun

Bu əsin

Dumanli dənizin dalğın çağlarından gəlir

Dənizlə göyün öpüşdüyü yerdən

Və tarlamızdakı qızın yaşıl leçəyini

Oğurlayıb

Harasızlıqda saralmış ormanlara paylayır.

Bu qız,

Yanağı qırmız

Sarışın saçları səsləçir bu əsin ilə

Bir nəfəs udub

Ağ ciyarında qızındırıb

Püsgürür.

شعیر: جعفر محمدی

معطل تانریلار

دوشونجه مین درنگه سینده، بیر باخیش دولو

سسی باتمیش سونا بولبولوم قدر سسله ییرم

آی آرزومون گؤیلرینده

ساچلاریننان آسیلمیش-سارایلارین اومودو

خیاللارا قاپیلمیرام

گئدیرم:

           سارماشیق تک تاریخیمین سینیرینا ساریلام

گؤز یاشلاریم چؤکسه ده اینتیظار چلنگیمه

آه معطل تانریلارا- اینامیم یوخدور داها

- بیر آغاجدیر

- بیر کندیردیر

                    قورتولوشا چاتان یولون

                    گئدیرم:

                             یاسلی یئتیم دویغولارین

                             تئللرینی

شعير: توتقون

گؤزلرينده سئودا دالغالانير

شهرچايينين دالغالارينا بنزر

ومن دالغالارقوينونا مينيب

اورمو گؤلونه وارماق ايسته ييرم

كونلوم،

ساده جه چامور بير دام

آنجاق توتساق ائتميش سئودان

سن اي قاچقين سئودام

اوجقارليقدا يئر سالان تانري كيمين دويموسان

كؤنلومده سيغيشيرسان

منده يارانيب

                   ياشاييرسان

 بارداقدا سينيرلانميش بير باليق

آخارچايي دوشونور

                    چايدا اوزن باليق سا

دنيزي

منسه دنيزده اووچونون قيرماغينا ايليشميش بير باليق كيمي

گؤزلرينده سئودا دالغالانیر

ومن سئوگی سوچونا

کونلونون اوچروموندا.

شعیر: توتقون

ومن

 آل باخیشیندا گیزلنمیش ماوی لیی

کؤنلومو سینیرلامیش گؤزلرینده دویدوم

بیلیرمی سن سئوگیلیم؟

سنه هئچ بیر دیلده یارانمامیش سؤزلری

هئچ بیر شعیر ده یازیلمامیش دویغولاری

آنلاتماغا گلدیم

و اؤرپه یینین آلتیندا گیزلنمیش دوداغینین

دادینی دویماغا

دیلسیزجه سینه سئومه یه گلدیم

ا هئی منیم اینجه گولوشلوم

دئمک

هئچ بیر شیی دییشمه سک

دوداغینی سیگارامین پوکو ایله دییشمک اولار

و کؤنلومون چیلغین گئییمینی

گؤی باخیشینلا.

                                      منه سوال وئرین سوالین اوزو

                                       گیره ر حقیقتین داش قاپیسیندان

سئویملی شاعیریمیز بختیار واهابزاده نین آرامیزدان کوچمه سینه گوره بوتون آذربایجان خالقینا باش ساغلیغی وئریریک و اولو تانری دان اونا رحمت دیله ییریک.روحو  شاد و یولو داواملی اولسون.

قیسقانجلیق

یازار: ویلیام فالکنر

چئویرن: علی شیرین او

کؤچورن: توتقون

       - یئنه ده توخویورسان؟

قادین باشینی قالدیردی. اونون هامار دییرمی* صیفتی وار ایدی.مولایم قونور* گؤزلری آنی اولاراق ارینین باخیشلاریلا راستلاشدی.تئزده  گؤزلرینی اوندان چکدی و باشینی آشاغی سالیب اؤز ایشی ایله مشغول اولماغا باشلادی.

-         گؤردویون کیمی عزیزیم.

-         ائله هئی توخویورسان! اؤزونه باشقا بیر مشغولیت تاپسانا.

قادین کؤکسونو اؤتوردو، جاواب وئرمه دی.

-         نییه دینمیرسن،هه؟- اری  ال چکمه دی.- یوخسا دیلین- آغزین قورویوب؟

-         آخی سن اؤزون ، تونیو، تاپشیریبسان کی، یوخاریدا اؤز اوتاغیمدا دئییل، بورادا اوتوروم،-قادین باشینی قالدیرمادان جاواب وئردی.

-     پا ه ! بورادا بیر کس اوتورمالیدیر، یا یوخ؟ یوخسا سن ایسته ییرسن کی ، هانسی سا بیر آوارایا پول وئریب خانیم کیمی بورادا ایله شدیریم. اودا لاققیرتی وورسون، هه؟

شعیر: توتقون

1

بیر داها گونش له گؤروشمک اوچون

گؤیلره اوچماق ایسته میرم

بیلیرمی سن آنام؟

یارین لارا گئتمک ایسته ییرم

Bir daha günəşlə görüşmək uçun

Göylərə uçmaq istəmirəm

Bilirmisən anam

Yarinlara getmək istəyirəm

 آردی وار...

شعیر: محمد عابدینی

گیزلی جه ایزلره

سورونورم من

ایزلره

گیزلی جه

الیمده بیر اوووج

اؤلو تورپاغی

Gizlicə izlərə

Sürünürəm mən

Izlərə

Gizlicə

əlimdə bir ovuc

ölü torpağı

 آردی وار                                  

شعیر: کریم گل اندام

۱

ای تالانمیش وارلیغیم

بیر زامان خیرمان ایدین

دئدیلر قاریشقالار

                         سنی چکیب آپارار

Ey talanmiş varlığım

Bir zaman xırman idin

Dedilər qarışqalar

                      Səni çəkib aparar

یاشماق سیرا کیتابلاریندان یئنی ایکی کیتاب  یاییملاندی

سئویملی کیان خیاو دان ایکی شعیرتولوسو:

 ۱- اؤلوم اؤپوشوندن یانمیش للک لر

۲- آه گؤزلرینده دوغولماق

۲۱ آذر شهیدلرینین اولو روحونا تقدیم اولونور

 يازار:  گنجعلی صباحی

  حاضيرلايان : توتقون

سحره ياخين ايدی. گؤزتچينين قفيلا سالديغی ايری آچار سوكوتو پوزدو.قاپی بئينی جيرماخلايان بير صدا ايله آچيلدی. كشيكچی افسر ايچری گيردی. اونون دالينجا، ايكي مسلح پليس بير حالدا، قاپينين ساغ- سولوندا داياندی. سسه آييلانلار ياريم يوخولو حالدا، قيزارميش گؤزلرينه هيولا شكلينده گؤرونن اؤلوم جارچيسينين، كيمين آدينی جار چكه جگينی گؤزله ييرديلر.افسر هامينی گؤزدن كئچيرتدی. سونرا، هله شيرين يوخودا اولان ا‍‍ژدره ياخينلاشيب، تپيكله ووروب اونو اوياتدی.

- دور پالتارلارينی گئی ، تئز اول! دئيه ، امر وئردی.

      گئجه لر محبوسلاری يوخوسوز ، گيج بير حالدا چاغيريب دانيشيغا آپارماق ، ايشكنجه وئرمك ، مستنطيقلرين هميشه كي ايشي ايدی . آنجاق اژدرين هارا آپاريلديغی مبهم ايدی.چونكو اونون اؤلوم حؤكمو اوزونه اوخونموشدو. اونو آپارديلار، يوخوداكيلاردا اويانميشدی ، يوخو گؤزلردن چكيلدی. بئينلر قارا ، قورخونج فيكيرلرين جولانگاهينا دؤندو. دقيقه لرايله دوندو.نهايت ، هاوا ايشيقلاندی ، گون چيخدی .آنجاق ، اژدر قاييتمادی.

                                                       آردی وار...

بو شعير عاريف كسكينين گونش قيزي شعريندن ائتگي لنيب

گونش قيزي

آغ آتلي  قهرمان   يولدادير  او يان

دور گئدگ ائللره  آي  گونش قيزي

قارانليق  باغريني گل  ياريب دايان

قورخماياق يوللار اولسادا قيرميزي

سؤزلوك دن سيلميشم قورخو سؤزونو

يورو    كي    دورماغا    بهانه   يوخدور

تورپاغيم      داريخير      يئتير     اؤزونو

تامسينيب   داديني   تاماهي  چوخدور

Ağ atlı qəhrəman yoldadır oyan

Dur gedəg ellərə ay günəş qızı

Qaranlıq bağrını gəl yarıb dayan

Qorxmayaq yollar olsada qırmızı

Sözlükdən silmişəm qorxu sözünü

Yürü ki durmağa bəhamə yoxdur

Torpağım darıxır yetir özünü

Tamsınıb dadını tamahı çoxdur

     آردی وار                                    

شعیر:  آراز هارای

اويويور آديملاريم ايزلريمده

 كچميشيمي كچه كچه

اوزون يوللاردا قالدي

درين دره لرده

من چانتامي اونوتماديم

اونوتدوم اوزومو

گوز ياشيمي سوزه سوزه

هونكوردوم

اويانمادي

كولگه لر

Şeir: araz haray

Uyuyur addimlarim izlərimdə

Keçmişimi keçə keçə

Uzun yollarda qaldı

Dərin dərələrdə

Mən çantamı unutmadım

Unutdum özümü

Göz yaşımı süzə süzə

Hönkürdüm

Oyanmadı

Kölgələr

شعير: محمد عابدينی

من   پنجره دن    و    بير   شه هر   يالنيزليق

سن كوچه ده سن  و  بير  شه هر  يالنيزليق

باخ!  سئومه گيميزده     دور  باطيل   اولموش

سن سن ، كوچه . من و بير شه هر  يالنيزليق

                     ***

آلقيشلاديلار    يالان    گولوش لرله   بيزی

سارسيديلار هر گئديش گليش لرله  بيزی

ايندی اولارين ،  سونرا  بيزيمكی  اولاجاق

آللاديلا  ،   فايداسيز    بؤلوش لرله   بيزی

                     ***

تؤك  بيرده   ايچك  بو  قهوه دن  بو  چای دان

من هئچ نه دوشونمه ديم گونش دن  آی دان

بير شهر  يوخو  گون اورتا  ساعت  نه دئييم

من چاره   تاپانميرام  هارای دان    های دان

بیر یابانچی

اؤزومو اؤزومله اؤزگه لشدیریر. 

یازیقلار،

ساتقینلار جیبینده شاقیلدایان دمیر پارالار

کسیر کوتلمه دن جیرانلارین باشینی

نه یاخشی،

دار آغاجینی قیزارتمیش قانلار

دامیر

دامجی دامجی

دنیزه دؤنور.

Bir yabanci

Özümü özümlə özgələşdirir.

Yazıqıar,

Satqlnıar cibinde şaqıldayan dəmir paralar

Kəsir kütəlmədən ceyranlarin başını

Ne yaxşi,

Dar ağacını qızartmış qanlar

Damır

Damcı damcı

Denize dönür.

شعیر: آراز هارای

گؤزلریمیین اوزه رینده

بیر جوت گؤز وار

بیری آغلار،

بیری یانار.

Gözlərimin üzərində

Bir cüt göz var

Biri ağlar,

Biri yanar.

                                                        آردی وار

شعیر: توتقون

بورادا

سورگونلویومده،

آچیلیر پنجره م بیر چینار بوداغینا

یووالاییب قجه له قوشو اورادا

Şeir: tutqun

Burada

Sürgünlüyümdə,

Açılır pəncərəm bir çinar budağına

Yuvalayıb qəcələ quşu orada

آردی وار                                                      

شعیر: توتقون

 اوف ای موغانین یاشیل تارلاسی

بیرداها سنه دؤنمک اولارمی؟!

اوراداکی،

بورونور اسن یئللر ساری گوللر عطرینه

و دوشه نیر تورپاق ساری گبه ایله

اوراداکی،

ایمام کپه نه یی گوللر اوستونه قونار کن

گؤی چیچک لر آچیلیر

شعر : زامان  پاشازاده

بنؤوشه بنؤوشه چیچک له میشدی

بیر شکیل  اوستونده  روژ  لکه لری

شکیلین  دوداغی  اوچوقلا میشدی

دیکسینیب   دویدوقجا  تهلو که لری

شعر: هادی قاراچای

بیر پارچا اولدوز

سس سیز لییی پوزا بیلن بیر سس آختاردیم

یالنیزلیغی   پوزا  بیلن  بیر  دوست   آختاردیم

دونیا

سس سیز ایدی

کندی قینیندا اویوموش.

و چؤللرین اورتاسیندا

قبیر قازیردیلار

بیر بیرینه اینسانلار.

                                        او گئجه نین سحری

یازار: آنار رضا

کؤچوره ن : رضا کاظمی

37-جی ایل گئجه سی.

   باکی نین ساکیت کوچه لریندن بیری.

   کوچه نین آغزیندا ایکی بویوک ائو قارشئ- قارشئ یا دوروب اوتو کیمی آغیر ایکی ائو. ائولردن او طرفه بالاجا بیر باغ وار.تورپاق سویا هوپدوران کیمی کوچه ده گوندوز سس لرینی دانیشیق،آددیم،سسلرینی ائله بیل جانینا چکیب اودوب.

     باغ بوشالیب،گولوش سوزلشیب:سکامیانین زولاقلارئ  یازئ - لکه سیز میل-میل دفتر ورق لرینه اوخشایئر. تک بیرجه سکامیادا اوستونه قیریق آغاج کیمی بوداغی ساللانمیش-ایکی نفر بیر-بیرینه قیسیلیب : اوغلان قیزین ساچین سیغاللاییر.

                                                             آردی وار...

یازار: گونتای گنجآلپ   

       1985- جی ایلده تبریز طیبب اونیوئرسیتئتیندن کنارلاشدیریلدیم. دوشوندوم کی، بلکه قاچاق یوللا گئدیب باکیدا تحصیلیمه داوام ائدیم. بیر گئجه سرحددی کئچیب و "سوویئت"  عسگرلرینه تسلیم اولدوم. اوچ آی زینداندا ساخلاییب آراشدیردیلار. سونرا دا گئری قایتاردیلار. محبوس اولدوغوم داریسقال اوتاغین دیشارییا کیچیک بیر باجاسی وار ایدی. او باجادان دیشارییا باخماغا چالیشیردیم. بیر گئجه دهشتلی کولک اسدی، توفان قوپدو، مؤحکم یاغیش یاغدی. صاباحی ایسه گونشلی بیر هاوا اولدو. او گون چوخ چتینلیکله بیر آنلیغا باجادان دیشارییا باخا بیلدیم. او توفانلی گئجه زیندانین اطرافینا ساریلمیش تیکانلی مفتیله بیر قوش اورگیندن ایلیشیب... اؤلموشدو .

یئرله گؤی آراسیندا

          قارا بولودلار بیر بیرینه ائله ضربه لر ائندیریردیلر کی، گؤیلرده کی  شاققیلتی، گورولتو کایناتی سارمیش و چیلغین دالغالارین، هوندور ذیروه لردن اؤزونو دره لرین درینلیکلرینه چارپان چاغلایانلارین (شلاله لرین)، سئللرین سسی ائشیدیلمز اولموشدو. 

          حتّی ذیروه لردن، داغلارین سینه سیندن قوپوب گورهاگورلا دره لره یووارلانان قایالارین دا گورولتوسو ائشیدیلمیردی. گؤیون شیددتلی گورولتوسوندان داغلارین بئینی داغیلیردی. کوله گین ضربه سیندن، یئرین درین قاتلاریندا کؤک سالمیش چینارلارین بئلی اه ییلمیشدی. گؤیده ائله بیر توفان قوپموشدو کی، یئر حیاتی، یئر حادیثه لری اونودولموشدو. یئرین یازقیسی (طالعی) گؤیده کی  فیرتینالی حادیثه لرین گئدیشاتیندان آسیلی قالمیشدی. گؤیون هر طرفینده بولودلارین آراسیندا گرگین دؤیوشلر، چارپیشمالار، ساواشلار گئدیر، دامار دامار ایلدیریملار چاخیردی. بولودلارین باغریندان قوپان ایلدیریملار بعضا یئرین کؤکسونه اود قویوردو.

                                                           آردی وار... 

نادر عزیزی جینابلاریندان بیر شعر

مئهلی بیر گون ایدی پاییزچاغیندا

کسیردی  اللری  سیزاق   یئللری

دوماندا  بیر حزین  پیچیلتی سسی

هارایا  سسله دی  یاتمیش  ائللری

                                                                   آردی وار...

ابراهیم ساوالان بی دن بیر شعر 

قاری یاراقلاندیردی  نوه سین

مه له شیردی قوزولار

اوخودو نازلامالار

"داغدا داری لار

سونبوللو ساری لار

قوجا قاری لار

بوبالاما قوربان"

"اوزئییر حاجی بی اف"  آذربایجان موسیقی سینین سونو دئییل ،مؤهتشم باشلانغیجیدیر/ رامین جباری

                         E-MAIL:Raminmuganli@yahoo.com                                        

حؤرمتلی حمید بی آصفی نین آذربایجان موسیقی سینه ایره لی  سوردویو باخشیلاری نین رئال اولمادیغینی ساندیغیمدان ، سورغولارینی جاوابلاندیرماقلا یاناشی ،باخیشیمی داهادا اطرافلی بیلدیریرم . یازیلارین جواب اولاراق آردی اولارسا یالنیز مؤوضویا عاییدلییی اوخوجولار اوچون داها یارارلی اولا بیلر . جبهه لنمک و یا باشقا بوتیپ ایفاده لردن ایستیفاده ائتمکله اساس مؤوضوعو کؤلگه لمک دن چکینمک داها یاخشیدیر.

  حؤرمتلی حمید بی آصفی یازینیزدا چاتیشمایان نوقطه لره ایشاره ائتمکله ، بیزی جبهه لنمه یه چکدییندن سؤز آچیرسینیز . عکسینه من داها درین و دقیق باخیشینیزی موسیقیمیزه ایستردیم . « آیریلیق » ماهنی سینین « دستگاه » اوستونده یوخ ، خالق ماهنی لاری اوستونده بسته لندیینی دوشوندویونوز حالدا ساده جه هانسی تنقیددن و چاتیشمایان نوقطه لردن دانیشاجاغینیز آیدین دئییل . بو موسیقمیز حاقدا ان ابتدایی بیلگی دیر.

                                                                                                               آردی وار...

شعر:توتغون

من

وقاپالی بیر باجا

سحر چاغی گونش یاناخلاریمدا اوینامادان دورورام

وگنجلیک حیس لریمی ایچیمده بوغماق زوروندایام

سانیرام کی وارام.

گؤره ن گونش می قارانلیق ساچیر؟!

 یوخسا ائویم سینیرسیز دیر!

کی هر یئتن بوردا یورد سالیر.

                                                                     آردی وار...

هانسی موسیقی‌دن سوز آچیرسیز؟ / حمید آصفی

قئزاران ۲۰, ۱۳۸۷

آلما یولو: سون گونلرده رامین جباری به‌یین ««ماهنیلاردا یاشامایان میللت» یازیسینا بیر باخیش » باشلیقلی یازیسی آلما یولوندا گئتدی. بو یازی حمید به‌ی آصفی‌نین یارپاق قزئته‌سینده چاپ اولموش «ماهنی‌لاردا یاشاماین میللت» مقاله‌سینین تنقیدی اوزه‌رینده یازیلمیشدی. حمید آصفی آلمایولونا گؤندردی‌یی مکتوبدا رامین جباری‌نین تنقیدی‌نی الشدیریب‌ و بیر سیرا شئی‌لری یئنی‌دن آچیقلاییب‌دیر. بیزجه بو دارتیشمالار چوخ اؤنملی و یئنی بحث‌لرین اورتایا قویولماسینا، و دوشونجه فضاسی‌نین گلیشمه‌سینه سبب اولا بیلر. اونا گؤره بونو بو یازیلاری بیر موبارک اولای کیمی باغریمیزا باسیر، و حمید آصفی‌نین یازیسی‌نی اوخوجولارا تقدیم ائدیریک.

گؤره‌سن بیزیم موسیقی‌نین یوکسک‌لییی اوزییر حاجی بی اوف چاتدیردیغی اوجالیق‌دیر یوخسا اوندان‌دا باشقا‌سینا – اوجاسینا- یئر وار؟ بیلمیرم نییه بو قدر کئچمیشین دالداسیندا گیزله نیب اوزوموزه گؤوه نیریک. بو بیزده باتماق دئییل نه دیر؟‌

                                                     آردی وار...

                  «ماهنیلاردا یاشامایان میللت» یازیسینا بیر باخیش         

  یازار:رامین جباری

         E-mail: Raminmuganli@yahoo.com

عزیز اوخوجولار "یارپاق" نشر اولونمادیغیندان یازینی سیته لر واسیطه سی ایله سیزه چاتدیرماغیمی دوشوندوم. 

"یارپاق" ین 12-جی ساییندا «ماهنیلاردا یاشامایان بیر میللت » آدلی بیر یازی حمید آصفی جینابلاری طرفیند ن یازیلمیشدیر.  بو یازیدا یازیچی آذربایجان موسیقی سینین بو گونکو دوروموندان اینجیک لییینی و اونون گئدیشیند ن راضی اولمادیغینی بیلدیره رک ،چاغداش آذربایجان موسیقی سینده دؤنوش یاراتماغین حددینده ن آرتیق لازیم اولدوغونو سؤیله ییر.

منجه بو یازیدا بیر نئچه اساسلی مسئله یه گؤز یومولدوغوندان یازیچی دوزگون سونوجا گله بیلمه میش.

شعر :چیلغین آخشاملی

                 تبریز

گئجه 

ساعاتیمی قورموشام تکرارلاریما

قان بویالی بیر کابوس لا قول بویونلوقومدا

بیرآدام،

تبریزین ساعاتینین سارقاجیندان آسلانمیشدی

ساعاتین عقربی شافاقدا تیتره ک ،

اونون گؤزلرینده

دان یئری آغاریردی .

بوتون پولیس تئلئفونلاری ایشغال

و تئلسیز لرده بیر اینتیحار خبری .

آردی وار...

کریم مشروطه چی (سونمز) ین یارادیجیلیغی:

یازار:گنجعلی صباحی

                            عیسی نین سون شامی

میانادا ،آمانسیز احتیاج دویونونو آچماق ایچون بوتون اومود قاپیلاری اوزونه باغلانمیش، نئیله یم ؟!...     دردی بیر یوک اولاراق ،اوره ینه آغیر لیق ائده ن بدبخت بیر قوجانی بیر استکان شرابا پناه آپاردیغیندان مرتکب اولدوغو "جنایتین" درین اجتماعی سببلرینی آراشدیرمادان ،شاللاق ضربه سینه محکوم ائدیر لر.وورولان ضربه لردن قوجانین ناله سی اوجالیر.بو صحنه نی تاماشا ائتمکده اولان کیچیک یاشلی اوغلو تاب گتیرمه یب، اؤزونو آتاسینین اوستونه آتیر.شاللاق ووران(ایشگنجه چی) اوغولودا- آتایا قاتیر. بو حادثه دن آلینان، متاثر اولان شاعر یاز بولودو کیمی دولور.وجدانلاری توز باسمیش عدالتسیز حاکیملری آیلتماق اوچون ،"عیسی نین  صون شامی" پوئماسینی یارادیر.

              آردی وار...

یازار:گونتای گنج آلپ

1991- جي ايلده طالعيمي آختارماق اوچون يولا دوشدوم. آتامدان منه نه قدر ميراث قالميشديسا، هاميسيني ساتيب، اليمده بير آز پوللا تورکييه يه گلديم. آماجيم ايسه تورکييه يولو ايله غرب اؤلکه‌لرينه گئتمک، تحصيليمي داوام ائتديرمک ايدي. اينسان هر زامان بللي ائتديگي هدفين آرخاسينجا گئده بيلمير. بعضن دونيادا باش وئرن بؤيوک تاريخي حاديثه لر فردين اؤزل حياتينا موداخيله ائدير. هله اردبيلده ايکن قوزئي آذربايجاندان گلن خبرلر مني دريندن ائتکيله ميشدي.

                                              آردی وار...

شئعیر:کیان خیاو

اللریمیز

اللریمیزی آرامادان،بوش

اوره ییمیز

اوره ییمیزه بوشالمادان،دولو

گونش سیز وقانونسوز بیر اؤلکه ده،

آغیر کولکلر کئچیدینده دایانمیشیق.

تورپاق،شوشه کیمی قلپه لنمیش

شوشه لر تورپاق کیمی سونسوز.

سیخ بولودلار

اؤز ایچینه یاغماقدان، یورقون

                                            آردی وار ....                                                                               

من، سن، اوْ و تلفون(۱)

                                M Ə N ,     S Ə N ,     O     V Ə     T E L E F O N

آنار ریضايئف                                                                                 

اؤن سؤز

من، سن، اوْ و تلفون حئکایه‌سی 1967- جی ایلده یازیلیب. بو اثر ایلک دفعه موْسکووادا «نئدنلیا» هفته‌لیگینده درج اوْلوناندان سوْنرا آمئریکادا، ژاپوْندا، فنلانددا، کانادادا، عرب اؤلکلرینده وبیر سیرا باشقا اؤلکه‌لرده چاپ اوْلونموشدور. آنارین خاریجده نشر اوْلونان کیتابلارینین عومومی سایی 50- دن آرتیقدیر.

آنار هم ده اوُغورلو بیر سیناریو و پیئس یازاری کیمی تانیلان بیر شخصدیر. اوْنون پیئسلری آذربایجانین بوتون تئاترلاریندا تاماشایا قوْیولوب.

                                                                                آردی وار...