گونه باخان

 

بیلمه دن فیلیمین هانسی آنینین

اویونچولاری اولدوق

یازارینی اؤلدوردویوموز دونیا سیناریوسونون

یؤنلتدیک آخیشینی

                                 ائلئقانس گؤزلریندن گیزلی

                                  سیم سیم لردن آرالی

                                 سؤیود کؤلگه لیینه

سن سه ساختا چیچک لری پای وئریردین سه ده

یئنه ده حیه طیمیزده بئجردییم گونه باخانی

دره بیلمه دیم گؤزلیم

چوخ اینجیدین یئنه سن

آنجاق یارین توستولو شهرین لالا  پارکیندا

ساریلدیم ساچلارینین قیزیللیغینا

                        تانری اوخولونا

گؤزتچی لرین ساققالیندان آسیلیب

زامان کات ووردوسا سؤیود آغاجینا

هله ده گونه باخانین گوللریندن ساچینین قوخوسو گلیر

توخوملاریندان سا دوداغینین دادی.