| تبليغات | X |
|
|
|||
|
|
قئزاران ۲۰, ۱۳۸۷
آلما یولو: سون گونلرده رامین جباری بهیین ««ماهنیلاردا یاشامایان میللت» یازیسینا بیر باخیش » باشلیقلی یازیسی آلما یولوندا گئتدی. بو یازی حمید بهی آصفینین یارپاق قزئتهسینده چاپ اولموش «ماهنیلاردا یاشاماین میللت» مقالهسینین تنقیدی اوزهرینده یازیلمیشدی. حمید آصفی آلمایولونا گؤندردییی مکتوبدا رامین جبارینین تنقیدینی الشدیریب و بیر سیرا شئیلری یئنیدن آچیقلاییبدیر. بیزجه بو دارتیشمالار چوخ اؤنملی و یئنی بحثلرین اورتایا قویولماسینا، و دوشونجه فضاسینین گلیشمهسینه سبب اولا بیلر. اونا گؤره بونو بو یازیلاری بیر موبارک اولای کیمی باغریمیزا باسیر، و حمید آصفینین یازیسینی اوخوجولارا تقدیم ائدیریک. گؤرهسن بیزیم موسیقینین یوکسکلییی اوزییر حاجی بی اوف چاتدیردیغی اوجالیقدیر یوخسا اونداندا باشقاسینا – اوجاسینا- یئر وار؟ بیلمیرم نییه بو قدر کئچمیشین دالداسیندا گیزله نیب اوزوموزه گؤوه نیریک. بو بیزده باتماق دئییل نه دیر؟ آردی وار... Ardı ... + Yazılmış 12 Jun 2008 Saat 9 PM Yazan turkdaniz - toral | «ماهنیلاردا یاشامایان میللت» یازیسینا بیر باخیش یازار:رامین جباری E-mail: Raminmuganli@yahoo.com عزیز اوخوجولار "یارپاق" نشر اولونمادیغیندان یازینی سیته لر واسیطه سی ایله سیزه چاتدیرماغیمی دوشوندوم. "یارپاق" ین 12-جی ساییندا «ماهنیلاردا یاشامایان بیر میللت » آدلی بیر یازی حمید آصفی جینابلاری طرفیند ن یازیلمیشدیر. بو یازیدا یازیچی آذربایجان موسیقی سینین بو گونکو دوروموندان اینجیک لییینی و اونون گئدیشیند ن راضی اولمادیغینی بیلدیره رک ،چاغداش آذربایجان موسیقی سینده دؤنوش یاراتماغین حددینده ن آرتیق لازیم اولدوغونو سؤیله ییر. منجه بو یازیدا بیر نئچه اساسلی مسئله یه گؤز یومولدوغوندان یازیچی دوزگون سونوجا گله بیلمه میش.
(Mahnilarda yaşamayan millət) yazisina bir baxiş Yazar: Ramin cəbbari Yarpaq dərgisi 12-inci sayinda (mahnilarda yaşamayan bir millət) adlı bir yazi həmid asifi cinabları tərəfindən yazmışdır.bu yazıda yazıçı azərbaycan mussiqisinin bu günkü durumundan incikli və onun gedişindən razı olmadığını bildirərək,çağdaş azərbaycan musiqisində dönüş yaratmağı hədindən artıq lazim olduğunu söyləyir. Məncə bu yazıda bir neçə əsasi məsələyə göz yumulduğundan yazıçı düzgün sonuca gələ bilməmiş. آردی وار... Ardı ... + Yazılmış 9 Jun 2008 Saat 12 PM Yazan turkdaniz - toral | شعر :چیلغین آخشاملی
تبریز
گئجه ساعاتیمی قورموشام تکرارلاریما قان بویالی بیر کابوس لا قول بویونلوقومدا بیرآدام، تبریزین ساعاتینین سارقاجیندان آسلانمیشدی ساعاتین عقربی شافاقدا تیتره ک ، اونون گؤزلرینده دان یئری آغاریردی . بوتون پولیس تئلئفونلاری ایشغال و تئلسیز لرده بیر اینتیحار خبری .
Şeir: çilğın axşamlı Təbriz Gecə saatımı qurmuşam təkrarlarıma Qan boyalı bir kabusla qol boyunluqumda Bir adam, Təbrizin saatının sarqacından aslanmışdı Saatın əqrəbi şafaqda titrək. Onun gözlərində Dan yeri ağarırdı . Butun pulis telefonları işğal Və telsizlərdə bir intihar xəbəri . Ardı ... + Yazılmış 5 Jun 2008 Saat 7 PM Yazan turkdaniz - toral | کریم مشروطه چی (سونمز) ین یارادیجیلیغی: یازار:گنجعلی صباحی عیسی نین سون شامی میانادا ،آمانسیز احتیاج دویونونو آچماق ایچون بوتون اومود قاپیلاری اوزونه باغلانمیش، نئیله یم ؟!... دردی بیر یوک اولاراق ،اوره ینه آغیر لیق ائده ن بدبخت بیر قوجانی بیر استکان شرابا پناه آپاردیغیندان مرتکب اولدوغو "جنایتین" درین اجتماعی سببلرینی آراشدیرمادان ،شاللاق ضربه سینه محکوم ائدیر لر.وورولان ضربه لردن قوجانین ناله سی اوجالیر.بو صحنه نی تاماشا ائتمکده اولان کیچیک یاشلی اوغلو تاب گتیرمه یب، اؤزونو آتاسینین اوستونه آتیر.شاللاق ووران(ایشگنجه چی) اوغولودا- آتایا قاتیر. بو حادثه دن آلینان، متاثر اولان شاعر یاز بولودو کیمی دولور.وجدانلاری توز باسمیش عدالتسیز حاکیملری آیلتماق اوچون ،"عیسی نین صون شامی" پوئماسینی یارادیر.
Kərim məşrutəçi(sönməz) in yaradıcılığı: Yazar: gəncəli səbahi Isanin son şami Miyanada amansiz ehtiyac düyününü açmaq uçun butun umud qapıları üzünə bağlanmış,neyləyim?!... dərdi bir yuk olaraq ,ürəyinə ağırlıq edən bədbəxt bir qocanı bir istikan şaraba pənah apardığından mürtəkib olduğu "cinayət" in dərin ictimayi səbəblərini araşdırmadan ,şallaq zərbəsinə məhkum edilir. Vurulan zərbələrdən qocanın naləsi ucalır. Bu səhnəni tamaşa etməkdə olan kiçik yaşli oğlun tab gətirməyib ,özünü atasının üstünə atır.şallaq vuran (işgəncəçi) oğuluda ataya qatır. Bu hadisədən alinan ,mütəssir olan şair yaz buludu kimi dolur. Vicdanlari toz basmiş ədalətsiz hakimləri ayıltmaq uçun ,"isanin son şami" poemasini yaradir.
آردی وار... Ardı ... + Yazılmış 4 Jun 2008 Saat 8 PM Yazan turkdaniz - toral |
یازار:گونتای گنج آلپ سئزه نين سئوگيسي 1 1991- آردی وار... Ardı ... + Yazılmış 21 May 2008 Saat 12 PM Yazan turkdaniz - toral | | ||
|
Powered By AzarwebOnline.com 2008-2009 V.Nariman |
|||
هانسی موسیقیدن سوز آچیرسیز؟ / حمید آصفی